Mizo Culture vrs Gaming

Mizote hi hnam mawl, Mi Lu la hnam tia hriat lar kan ni thrin kha a ni a. Kristianna in kan hnam hmelhmang sawi danglamin hma kan lo sawn ta hle maia. Kan hawiher leh kan incheina te, nuam kan tih zawng leh hun kan hman dan te, kan eizawnna leh kan intihhlimna te pawh a lo danglam ta hle mai. Heng kan hmasawnna in a rawn kentel pakhat chu Gaming hi a ni awm e. Gaming leh Mizo Culture hi han khaikhin dawn teh ang.

Mizo Culture hi Gaming nen a inhmeh em ?
Khawvel hnam zawng zawng hi a tirah tumah changkang sa a piang kan awmlo, step by step a hma sawn a thang vek kan ni. Chutiang chiahin Mizo Hnam pawh zawi zawiin a lo thang ve a, kan banphakah hmasawnna tamtak a rawn in zarpharh a, chung hmasawnna zingah chuan Gaming pawh tel vein kan thalai ten an khawih ve ta a ni mai a, Mizo hnam nen a inhmehloh na bik a awm lo. "E...., heng mi te hi chu an te e mai, an kephah a hlai e mai... Gaming lam hi chu an tih chi a nilo" tih pawh a awm hlei nem mawle!

Mizo tan Gaming ah Chance a awm em?
Mizote hi infiamna lama tui tak, Foot Ball nei lo pawha Sertawk pet a Ui inchawi peih hnam kan ni a. Hnam chapo tak mai, tumah ngaisang biklo leh tumah hlau lo hnam, Chempui nena Sap Sipai cho ngam ngat khawpa rilru huaisen kan ni a. Taksa pianzia pawh kan phakloh hrim hrim Sap te pawh hlaulo hnam kan nih avangin Pumrua in awmzia a awm vaklohna Gaming ah hian kan tan kawng zau takin a inhawng a ni.
Kan aia hnam changkang zawk nia kan hriat Korean te leh hnam dang dang ten an thiam em em hi enge kan thiam theihloh bikna tur ka hrelo.. Kan mamawh chu.. Patience an Hard Work chauh a ni e.

Khaikhawm tawh mai ang!
A khaikhawm na ah chuan, Mizo Culture leh Gaming hi a inhmeh loh bikna leh Gaming a hma kan sawn theihloh bik na tur a awm lo. Kan tih apiangah taima taka kan tih chuan kan hlawhtling em em ang.